Aking Sinta

AKING SINTA

Gladys Joy Marangga

Oh, aking mahal, sa iyong pagkawala,

Ako'y araw-araw na nangungulila.

Ang aking luha, na kusang umaagos,

Tuwing naaalala ang iyong mga yapos.

Oh, aking sinta, ba't mo ako iniwan?

Lubhang nalulungkot sa iyong paglisan.

Kailan man ay hindi nalilimutan,

Ang ala-ala nating pinagsaluhan.

Habang ako'y tulala na nakatingin,

At nakaupo sa harap ng salamin.

Mata'y namumugto, 'di ko man aminin.

Unti-unting dumilim ang aking paningin.

                                                                                 Ako'y nagising sa malakas na katok,

At nagulat nang ika'y biglang pumasok.

Oh, aking mahal, ika'y biglang bumalik!

Sobrang saya, nitong pusong sayo'y sabik.